بير و راي تايبەتي لە بارەي پێشمەرگە

 

 Mr Dlawer, nina-iraq

Mr Dlawar

لە بەرەبەیانی مێژوەوە کە هەردوڕەگەزی نێرو مێ  لەسەر ئەم هەسارەیە ژیان بەڕێ ئەکەن، لەبەر جوانیو لەبەر ناسکی ، لەبەر ڕێزی دایکایەتی، هەمیشە ئافرەت لە لای  کورد ڕێز لێگیراوبوە ، ئەم گەلە بە هەمو ئەو بەسەرهاتو نەهامەتیانەوە کە بەرۆکی پێگرتوە لەزۆرێک لە گەلانی جیهان جوان بینترو شایستە تر لە ئافرەتی ڕوانیوە ، بەڵگەی کۆنو نوێی   ئەوەیە ڕەنگە کورد تاکە نەتەوەبێ  لە ئاخافتندا جیاوازی نێرو مێ نەکات .

ئەوڕۆژەی ئەوانەی ئاینو خودایان کردە  سەنگەر بۆ تێر کردنی ئارەزوە شەیتانیەکانیان ، تاریکی مەزهەبی بەنیاز بوو  مێژویەکی ڕەش بۆخۆی تۆمار بکات ، هێرشیان کردە سەر خەڵکی سیڤیلی کۆبانێ ، خەڵکی ئەوشارەش بڕێارێکیان دا، کە مێژوو نەک هەر لەیادی ناکات بگرە ئەیخاتە خانەی شانازی خۆیەوە  (مقاوەمەت ) لە لاپەڕە زێڕینەکانیدا  ئەیدا بە تۆمار، بڕیاریان دا ئازاد بژین، تاریکیو دێلێتیان ڕەت کردەوە ، ئەو شارە ژنانو کچانی پێش پیاوەکان چەکیان کردە شانیان هەرچەندە دژی چەکو خوێن بون  ،دایک بون خوشک بون ،هاوسەر بون. مرۆڤ بون  مێ بون، جوان بون . نازدار بوون ، ناسک بوون ، ژنانو کچانی ئەو شارە کە کوردن بڕیاریان دا مێزی ئارایشتو ئاوێنەکانیان پشتگوێخەن ، هەمو توانایان خستە کار دژی تاریکی ، لەجیاتی شانێل و ماکسفاکتۆر بخەنە جانتا دەستیەکانیانەوە کۆڵەپشتی شەڕیان کردە پشت ،لە نێوان کرێمی های فای و  خۆڵی کۆبانێ دا، دوهەمیان هەڵبژارد. ئەوان  لەبری مۆسیقای لۆڤستۆری و مۆنامۆ گوێیان بە دەنگی خومپارە و بۆمب ڕاهێنا، لەبری نازی چاوبازانو ژوانی  دڵداران و  دەست لەملانی ئازیزان دەستیان کردە ملی دۆشکاو تفەنگ  ،باسکیان کردە سەرین بۆ زامدارەکان .

ئەوان نەک تەنها نەتەوەکەی خۆیان شانازیان پێوە ئەکات بگرە مرۆڤ دۆستانی دنیایان سەرسام کرد ، زۆرێک لەو بەناو سیاسیانەی کە هەمو  تواناکانیان لە خۆبادان بەسەر خەڵکی کۆمەڵگاکەی خۆیاندا تێپەڕ ناکات، خەو بە وەو ئەبینن  بەرپرسێکی پلە هەشتی  وڵاتێکی بیانی قاوەیەکیان دەرخوارد بدا لەقاوەخانەیەکی هاوینەدا  ، بەڵام تەوارەکانی کۆبانێ لەگەڵ هۆڵاندی  سەرۆکی فەرنسا لە کۆشکی ئەلێزێ دائەنیشن ، ئۆباما لەکۆشکی سپی پێشوازیان لێ ئەکات .

ڕۆژی ئەوە هاتوە ئەوانەی کە تەنها سەرمەستی ئەوەن چۆن بەردەوامی بە دەسەڵاتەکەیان بدەنو خۆیان بە کورسیەکانیانەوە بزمار ڕێژکەن  ،ئەوانەی  سیاسەتو دەسەڵات بە میرات ئەزانن یان وا ئەزانن ئەزەلیەو لە ئاسمانەوە بە دیاری بۆیان هاتۆتە خوارەوە مەستی بەریان بدا ، کەشتی ئەم گەڵە ماندووە نەخەنە دەریای نەزانینو سەر کەشیەوە ، با بزانن میلەتێ کە مێژووی کۆبانێ تۆمار  بکات لێیان خۆش نابێ .

ئەی ئەوانەی مێژوی گەلەکەتانو مرۆڤایەتیتان بە باروت ئارایشت کرد ، جوانیتان بەخشی بە جوانی ، ناسکیتان ناسکتر کرد دایکایەتیتان پیرۆز تر کرد ، سەلماندتان کە غیرەت تەنها لای سمێڵە باب

A Woman from Kobane on the IWD March

A Woman from Kobane on the IWD March

ڕو ڕەشەکراوەکان نێە ، ئێوە ناوی ئەو نەتەوەیەی کە بەدرێژایی مێژوو ئەچەوسێتەوە بەسەر ئەم هەسارەیەدا پەخشکرد ،کە هەندێ لە گەلانی  دنیا لە کولەکەی تەڕێشا ناویان نەبیستبوو .

هەرئێوەشن ئەتوانن دوا ڕۆژ بگۆڕن . منیش لەبری گوڵی سوری ڤالانتاین، لەبری خشڵی زێڕ، تەنها دێڕێ شێعری بابەگەورەی شیعری کوردیتان پێشکەش ئەکەم ، تابزانن پیرانی  شیعر لە دێرزەمانەوە ئێوەیان ناسیوە  ، ئێوەش بە دنیاتان ناسانین ، فەرمون بزانن حەزرەتی ناڵی چیتان پێئەڵێ .

صیددق و عەزیز هەر وەک یوسف کە نەبی بۆ کوڕ

صیددیقەیی مەعصومـە وەک داکــی مەســـیحا کــــچ

دەستان خۆش ئەی مریەمە پاکیزەکان

 

دلاوەرعەلی سۆفی کەریم

 

Leave a Reply

Translate »